ICAI CA Final Results | సీఏ ఫైనల్‌ ఫలితాల్లో మనోళ్లే టాపర్లు.. ఇద్దరికీ ఫస్ట్‌ ర్యాంక్‌
ఇన్‌స్టిట్యూట్‌ ఆఫ్‌ ఛార్టెర్డ్‌ అకౌంటెంట్స్‌ ఆఫ్‌ ఇండియా(ICAI) సీఏ తుది పరీక్షల ఫలితాల్లో (CA Final Results) తెలుగు విద్యార్థులు సత్తా చాటారు.
By Education News Team
Published :27 Dec 2024 15:23 IST
https://results.eenadu.net/news.aspx?newsid=271224
ఇంటర్నెట్‌ డెస్క్‌: ఇన్‌స్టిట్యూట్‌ ఆఫ్‌ ఛార్టెర్డ్‌ అకౌంటెంట్స్‌ ఆఫ్‌ ఇండియా(ICAI) సీఏ తుది పరీక్షల ఫలితాల్లో (CA Final Exams Results) తెలుగు రాష్ట్రాల విద్యార్థులు సత్తా చాటారు. హైదరాబాద్‌, తిరుపతికి చెందిన విద్యార్థులిద్దరూ ఒకటో ర్యాంకుతో మెరిశారు. నవంబర్‌లో జరిగిన సీఏ తుది పరీక్షల ఫలితాలను ICAI గురువారం అర్ధరాత్రి విడుదల చేసింది. విద్యార్థులు తమ రోల్‌ నంబర్‌, రిజిస్ట్రేషన్‌ నంబర్లను ఎంటర్‌ చేయడం ద్వారా స్కోరు కార్డులు, మెరిట్‌ జాబితాలను డౌన్‌లోడ్‌ చేసుకోవచ్చు.
సీఏ ఫైనల్‌ పరీక్ష ఫలితాల కోసం క్లిక్‌ చేయండి
సీఏ తుది పరీక్షల్లో భాగంగా గ్రూప్‌- 1 విభాగంలో ఉత్తీర్ణత శాతం 16.8గా నమోదు కాగా.. గ్రూప్‌-2లో 21.36శాతంగా ఉంది. రెండు గ్రూపుల్లో కలిపి 13.44శాతం ఉత్తీర్ణత నమోదైనట్లు ఐసీఏఐ ఓ ప్రకటనలో తెలిపింది. ఈ ఫలితాల్లో హైదరాబాద్‌కు చెందిన హేరంబ్‌ మహేశ్వరి, తిరుపతికి చెందిన రిషబ్‌ ఓస్త్వాల్‌ ఆల్‌ ఇండియా ఫస్ట్‌ ర్యాంకుతో మెరిశారు. ఇద్దరు విద్యార్థులకూ 508 మార్కులు (84.67శాతం) రావడంతో ఒకటో ర్యాంకులో నిలిచారు. అలాగే, అహ్మదాబాద్‌కు చెందిన రియా కుంజన్‌కుమార్‌ షా అనే విద్యార్థిని 501 మార్కులతో రెండో ర్యాంకు, కోల్‌కత్తాకు చెందిన కింజాల్‌ అజ్మేరా అనే విద్యార్థిని 493 మార్కులతో మూడో ర్యాంకు సాధించినట్లు ఐసీఏఐ తెలిపింది. మెరిట్‌ లిస్ట్‌ కోసం క్లిక్‌ చేయండి.