Postal GDS Results | ‘తపాలా’లో 21,413 ఉద్యోగాలు.. రెండో షార్ట్‌లిస్ట్‌ విడుదల
వివిధ పోస్టల్(Postal) సర్కిళ్లలోని బ్రాంచ్ పోస్ట్ ఆఫీసుల్లో 21,413 గ్రామీణ డాక్ సేవక్(GDS) పోస్టులకు దరఖాస్తు చేసిన అభ్యర్థులకు గుడ్‌న్యూస్‌.
By Education News Team
Published :21 Apr 2025 22:00 IST
https://results.eenadu.net/news.aspx?newsid=21042025
Postal GDS Results | ఇంటర్నెట్ డెస్క్: దేశవ్యాప్తంగా వివిధ పోస్టల్(Postal) సర్కిళ్లలోని బ్రాంచ్ పోస్ట్ ఆఫీసుల్లో 21,413 గ్రామీణ డాక్ సేవక్(GDS) పోస్టులకు దరఖాస్తు చేసిన అభ్యర్థులకు గుడ్‌న్యూస్‌. ఈ ఉద్యోగ నియామకాల్లో మెరిట్ ఆధారంగా షార్ట్ లిస్ట్ అయిన అభ్యర్థుల రెండో జాబితాను తపాలా శాఖ సోమవారం విడుదల చేసింది. గత నెలలో తొలి జాబితా విడుదల చేయగా.. తాజాగా రెండో జాబితాను ప్రకటించింది. ఎంపికైన అభ్యర్థుల రెండో జాబితాను https://indiapostgdsonline.gov.in/
లో అందుబాటులో ఉంచింది.
ఏపీ జీడీఎస్‌ రెండో జాబితా కోసం క్లిక్‌ చేయండి
తెలంగాణ జీడీఎస్‌ రెండో జాబితా కోసం క్లిక్‌ చేయండి
మొత్తం పోస్టుల్లో ఆంధ్రప్రదేశ్‌లో 1215, తెలంగాణలో 519 చొప్పున పోస్టులను భర్తీ చేస్తున్న విషయం తెలిసిందే. ఈ ఉద్యోగాలకు ఎంపికైనవారి రెండో జాబితాలో ఏపీ నుంచి 702 మంది; తెలంగాణ నుంచి 169 మంది చొప్పున షార్ట్ లిస్ట్ అయ్యారు. రెండో జాబితాలో ఎంపికైన అభ్యర్థులు మే 6లోగా ధ్రువపత్రాలు పరిశీలనకు హాజరుకావాల్సి ఉంటుంది. ఈ పోస్టులకు ఎంపికైన అభ్యర్థులు బ్రాంచ్ పోస్ట్ మాస్టర్, అసిస్టెంట్ పోస్ట్ మాస్టర్‌గా సేవలు అందిస్తారు. అభ్యర్థులు పదో తరగతిలో సాధించిన మార్కులు లేదా గ్రేడ్ మెరిట్ ఆధారంగా ఎంపిక చేపట్టారు. కంప్యూటర్ జనరేటర్ పద్ధతిలో మార్కుల ప్రాధాన్యం రూల్ ఆఫ్ రిజర్వేషన్ అనుసరించి అభ్యర్థుల షార్ట్ లిస్ట్ రూపొందించారు.