TGPSC Group-3 Top Rankers | తెలంగాణ గ్రూప్‌-3 ఫలితాల్లో టాపర్లు.. సాధించిన మార్కులివే..
లక్షలాది మంది ఉత్కంఠగా ఎదురుచూస్తున్న తెలంగాణ గ్రూప్‌- 3 పరీక్ష ఫలితాలు విడుదలయ్యాయి. ఈ పరీక్షల్లో అత్యధిక మార్కులతో పురుషులు, మహిళల్లో టాపర్లుగా నిలిచిన అభ్యర్థులు సాధించిన మార్కులు ఇవే..
By Education News Team
Published :14 Mar 2025 16:25 IST
https://results.eenadu.net/news.aspx?newsid=14032025-TGPSC-Group-3-Rankers
TGPSC Group-3 Top Rankers | ఇంటర్నెట్ డెస్క్‌: తెలంగాణ గ్రూప్‌ -3 పరీక్ష ఫలితాలు (Telangana Group 3 Results) వచ్చేశాయి. ఈ పరీక్షల్లో పలువురు విద్యార్థులు అత్యధిక మార్కులతో సత్తా చాటారు. మొత్తం 450 మార్కులకు గాను.. అత్యధికంగా 339.23 మార్కులతో ఓ అభ్యర్థి తొలి ర్యాంకుతో మెరిశాడు. ఇటీవల విడుదల చేసిన గ్రూప్‌-4 ఫలితాల్లో టాపర్ల పేర్లను విడుదల చేసిన టీజీపీఎస్సీ.. గ్రూప్‌- 3 ఫలితాల్లో మాత్రం టాపర్ల పేర్లను ప్రకటించలేదు. పురుషులు, మహిళల్లో టాపర్లుగా నిలిచిన వారి హాల్‌టికెట్‌ నంబర్లు, వారు సాధించిన మార్కులతో పాటు జనరల్‌ ర్యాంకింగ్‌తో వేర్వేరుగా జాబితాలను విడుదల చేసింది. పురుషుల్లో టాప్‌ ర్యాంకర్‌కు 339.23 మార్కులు రాగా.. మహిళల్లో టాపర్‌కు (8వ ర్యాంకు) 325.15 మార్కులు వచ్చాయి. గ్రూప్‌ 3 ఫలితాల్లో(TGPSC Group 3 Results) పురుషులు, మహిళల్లో టాప్‌-10లో నిలిచిన అభ్యర్థులు సాధించిన మార్కుల్ని పరిశీలిస్తే..
నవంబర్‌ 17, 18 తేదీల్లో జరిగిన గ్రూప్‌ 3 పరీక్షలకు మొత్తంగా 5.36లక్షల మంది దరఖాస్తు చేసుకోగా.. కేవలం 2,67,921మంది మాత్రమే రాశారు. వివిధ కారణాల వల్ల 18,364మందిని ఇన్‌వ్యాలిడ్‌గా ప్రకటించిన టీజీపీఎస్సీ.. 2,79,557మంది అభ్యర్థులు సాధించిన మార్కులతో జనరల్‌ ర్యాంకులను ప్రకటించింది. ఈ పరీక్షలో టాప్‌-10 ర్యాంకుల్లో ఒకరు మాత్రమే మహిళ ఉండగా.. టాప్‌ -50 ర్యాంకుల్లో నలుగురే ఉన్నారు.