TGPSC Group-3 Results I తెలంగాణ గ్రూప్‌ -3 ఫలితాలు విడుదల.. జనరల్ ర్యాంక్‌ల జాబితా ఇదే..
తెలంగాణలో 1,365 గ్రూప్‌-3 ఉద్యోగాల భర్తీ కోసం నిర్వహించిన పరీక్షల ఫలితాలు విడుదలయ్యాయి. జనరల్ ర్యాంకింగ్స్‌ జాబితా ఇదిగో..
By Education News Team
Published :14 Mar 2025 15:13 IST
https://results.eenadu.net/news.aspx?newsid=14032025-TGPSC-Group-3-Results
గ్రూప్‌-3 జనరల్ ర్యాంకింగ్‌ జాబితా కోసం క్లిక్‌ చేయండి
TGPSC Group-3 Results | ఇంటర్నెట్‌ డెస్క్‌: తెలంగాణలో గ్రూప్‌ -3 ఫలితాలు(TGPSC Group- 3 Results) విడుదలయ్యాయి. గతేడాది నవంబర్‌లో జరిగిన ఈ పరీక్షలు రాసిన అభ్యర్థుల మార్కులతో పాటు జనరల్ ర్యాంకుల జాబితాను టీజీపీఎస్సీ(TGPSC) శుక్రవారం మధ్యాహ్నం ప్రకటించింది. అలాగే, గ్రూప్‌-3 పరీక్ష తుది కీ, మాస్టర్‌ క్వశ్చన్‌ పేపర్లతో పాటు ఓఎంఆర్‌ షీట్లను డౌన్‌లోడ్‌ కోసం అధికారిక వెబ్‌సైట్‌లో అందుబాటులో ఉంచింది.
రాష్ట్రంలో 1,365 గ్రూప్‌-3 ఉద్యోగాలకు 5,36,400 మంది దరఖాస్తు చేసుకోగా.. గతేడాది నవంబర్‌ 17, 18 తేదీల్లో మూడు పేపర్లుగా జరిగిన ఈ పరీక్షలకు కేవలం 50.24శాతం మంది మాత్రమే హాజరయ్యారు. ఇటీవల ప్రకటించిన షెడ్యూల్‌ ప్రకారం.. మార్చి 10, 11 తేదీల్లో గ్రూప్‌- 1, గ్రూప్‌ -2 ఫలితాలను ఇచ్చిన.. టీజీపీఎస్సీ తాజాగా గ్రూప్‌-3 ఫలితాలను విడుదల చేసింది. అలాగే, హాస్టల్‌ వెల్ఫేర్‌ ఆఫీసర్‌ పోస్టులకు నిర్వహించిన పరీక్షల తుది ఫలితాలను మార్చి 17న, ఎక్స్‌టెన్షన్‌ ఆఫీసర్‌ ఉద్యోగ పరీక్షల తుది ఫలితాలను మార్చి 19న ప్రకటించనున్నారు.