JEE Main 2025 | జేఈఈ (మెయిన్‌) పరీక్ష.. మీ పరీక్ష కేంద్రం ఏ నగరంలో తెలుసుకోండిలా!
జనవరి 22 నుంచి జరగనున్న జేఈఈ మెయిన్‌ (JEE Main 2025)సెషన్‌- 1 పరీక్షలకు ఎన్‌టీఏ ఏర్పాట్లు చేస్తోంది.
By Education News Team
Published : 10 Jan 2024 20:28 IST
https://results.eenadu.net/news.aspx?newsid=10012025
JEE Main 2025| ఇంటర్నెట్‌ డెస్క్‌: జనవరి 22 నుంచి జరగనున్న జేఈఈ మెయిన్‌ (JEE Main 2025)సెషన్‌- 1 పరీక్షలకు ఎన్‌టీఏ(NTA) ముమ్మర ఏర్పాట్లు చేస్తోంది. ఇందులో భాగంగా శుక్రవారం అడ్వాన్స్‌ సిటీ ఇంటిమేషన్‌ స్లిప్పులను విడుదల చేసింది. జనవరి 22, 23, 24, 28, 29 తేదీల్లో పేపర్‌ -1 (బీఈ/బీటెక్‌); జనవరి 30న పేపర్‌ -2 (బీఆర్క్‌/బి ప్లానింగ్‌) పరీక్షలు జరగనున్న విషయం తెలిసిందే. దేశ వ్యాప్తంగా వివిధ నగరాలతో పాటు విదేశాల్లోని 15 నగరాల్లో పరీక్ష కేంద్రాలు ఏరపాటు చేశారు.
సిటీ ఇంటిమేషన్‌ స్లిప్పుల కోసం క్లిక్‌ చేయండి
డౌన్‌లోడ్‌ ఇలా..
సిటీ ఇంటిమేషన్‌ స్లిప్పులను డౌన్‌లోడ్‌ చేసుకొనేందుకు విద్యార్థులు తమ అప్లికేషన్‌ నంబర్‌/పుట్టిన తేదీతో పాటు క్యాప్చా కోడ్‌ను ఎంటర్‌ చేయాల్సి ఉంటుంది. ఇది అడ్మిట్‌ కార్డు కాదని మాత్రం విద్యార్థులు గమనించాలి. ఎగ్జామినేషన్‌ సెంటర్‌ ఏ నగరంలో వచ్చిందో ముందుగా తెలుసుకొనేందుకు వీలుగా ఈ స్లిప్పులను విడుదల చేసినట్లు ప్రకటనలో పేర్కొంది. అడ్మిట్‌ కార్డుల్ని త్వరలోనే విడుదల చేయనున్నట్లు ఎన్‌టీఏ తెలిపింది. ఎగ్జామ్‌ సిటీ ఇంటిమేషన్‌ స్లిప్పులు డౌన్‌లోడ్‌/చెకింగ్‌లో ఏదైనా సమస్య ఎదురైతే.. 011-40759000 నంబర్‌కు కాల్‌ చేయొచ్చు లేదా jeemain@nta.ac.inకు ఈ-మెయిల్‌ చేయవచ్చుని సూచించింది.