టీజీపీఎస్సీ గ్రూప్- 3 పోస్టులకు ఎంపిక జాబితా విడుదల
తెలంగాణలో 1370 గ్రూప్ -3 (TGPSC Group- 3 Results) పోస్టులకు అభ్యర్థుల ఎంపిక జాబితా విడుదలైంది.
By Education News Team
Updated : 18 Dec 2025 20:37 IST
https://results.eenadu.net/news.aspx?newsid=18122025tgpsc
ఇంటర్నెట్ డెస్క్: తెలంగాణలో 1,370 గ్రూప్ -3 (TGPSC Group- 3 Results) పోస్టులకు అభ్యర్థుల ఎంపిక జాబితా విడుదలైంది. ఈ మేరకు ఎంపికైన అభ్యర్థులతో ప్రొవిజినల్ నోటిఫికేషన్ను టీజీపీఎస్సీ గురువారం తన వెబ్సైట్లో అందుబాటులో ఉంచింది. గతేడాది నవంబర్లో గ్రూప్-3 ఉద్యోగ నియామక పరీక్ష నిర్వహించగా.. రాష్ట్రవ్యాప్తంగా దాదాపు 2.67లక్షల మంది అభ్యర్థులు రాసిన విషయం తెలిసిందే.
గ్రూప్ 3 పోస్టులకు ఎంపికైన వారి జాబితా
గతంలో జనరల్ ర్యాంకింగ్స్, మెరిట్ జాబితాలను విడుదల చేసిన అధికారులు.. వెబ్ ఆప్షన్లు నమోదు అనంతరం అభ్యర్థులకు సర్టిఫికెట్ల వెరిఫికేషన్ ప్రక్రియ పూర్తి చేసి తాజాగా ఈ ఉద్యోగాలకు ఎంపికైన వారి జాబితాను వెబ్సైట్లో ఉంచారు. ఉద్యోగాలకు ఎంపికైన అభ్యర్థుల హాల్టికెట్ నంబర్లు, ఎంపికైన పోస్టు కోడ్, ప్రాంతం వివరాలను ఈ జాబితాలో పేర్కొన్నారు. మొత్తంగా 1,388 గ్రూప్-3 పోస్టులు ఖాళీగా ఉండగా.. ప్రస్తుతం 1370 పోస్టులకు మాత్రమే అభ్యర్థుల ఎంపిక జాబితాను విడుదల చేశారు. తదుపరి వెరిఫికేషన్ కోసం ఒక పోస్టును హోల్డ్ చేసిన అధికారులు.. మరో 17 పోస్టుల ఖాళీలకు సంబంధించిన ఫలితాలు తర్వాత వెల్లడిస్తామని ఓ ప్రకటనలో పేర్కొన్నారు.