TGPSC Group 4 Result | టీజీపీఎస్సీ గ్రూప్‌ -4 తుది ఫలితాలు వచ్చేశాయ్‌.. ఎంపికైన వారి జాబితా ఇదే..
తెలంగాణలో గ్రూప్‌-4 ఉద్యోగ నియామక పరీక్ష తుది ఫలితాలు విడుదలయ్యాయి.
Published :14 Nov 2024 19:56 IST
https://results.eenadu.net/news.aspx?newsid=14112024
హైదరాబాద్‌: తెలంగాణలో గ్రూప్‌-4 ఉద్యోగ నియామక పరీక్ష తుది ఫలితాలు విడుదలయ్యాయి. గ్రూప్‌-4 ఉద్యోగాలకు ఎంపికైన మొత్తం 8,084 మంది అభ్యర్థుల హాల్‌టికెట్‌ నంబర్లు, ఎంపికైన పోస్టు వివరాలతో ప్రొవిజినల్‌ ఎంపిక జాబితాను టీజీపీఎస్సీ విడుదల చేసింది.
ఉద్యోగాలకు ఎంపికైన వారి ప్రొవిజినల్‌ జాబితా
తెలంగాణలో గ్రూప్‌-4 సర్వీసుల్లో 8,180 పోస్టుల భర్తీకి సంబంధించి రాత పరీక్ష (పేపర్‌-1, పేపర్‌-2) గతేడాది జులై 1న నిర్వహించిన విషయం తెలిసిందే. ఈ పరీక్షకు రాష్ట్ర వ్యాప్తంగా 9,51,321 మంది దరఖాస్తు చేసుకోగా.. దాదాపు 80శాతం మందికి పైగా అభ్యర్థులు హాజరయ్యారు. ఈ ఏడాది ఫిబ్రవరిలో అభ్యర్థుల ర్యాంకులను ప్రకటించిన TGPSC.. ధ్రువపత్రాలు, ఇతర అన్ని వెరిఫికేషన్ ప్రక్రియలను పూర్తి చేసి తాజాగా 8,084 మంది అభ్యర్థులతో ప్రొవిజినల్‌ జాబితాను ప్రకటించింది.