JEE (Main) 2025 Key : జేఈఈ (మెయిన్‌) పరీక్ష ఫైనల్‌ కీ విడుదల.. 12 ప్రశ్నలు డ్రాప్‌!
JEE Main 2025 paper-1 final Answer Key: జేఈఈ (మెయిన్‌) పర్‌ -1 ఫైనల్‌ కీ విడుదలైంది.
By Education News Team
Published :10 Feb 2024 14:50 IST
https://results.eenadu.net/news.aspx?newsid=10022025
JEE (Main) 2025 final Key | దిల్లీ: దేశంలోని ప్రతిష్ఠాత్మక విద్యా సంస్థల్లో బీఈ/బీటెక్‌ కోర్సుల్లో ప్రవేశాలకు నిర్వహించిన జేఈఈ (మెయిన్‌) తొలి విడత పరీక్ష ఫైనల్‌ కీ (JEE Main 2025 Final Key) విడుదలైంది. జనవరి 22 నుంచి 29వరకు నిర్వహించిన పేపర్‌- 1 పరీక్ష కీని ఎన్‌టీఏ (NTA) అధికారులు సోమవారం విడుదల చేశారు. ఇటీవల ప్రాథమిక కీ, రెస్పాన్స్‌ షీట్‌లను విడుదల చేసి ఫిబ్రవరి 4 నుంచి 6వ తేదీ వరకు అభ్యంతరాలు స్వీకరించిన అనంతరం.. తాజాగా ఫైనల్‌ కీని అందుబాటులోకి తీసుకొచ్చారు.
జేఈఈ మెయిన్‌ ఫైనల్‌ కీ కోసం క్లిక్‌ చేయండి
జేఈఈ మెయిన్‌ పేపర్‌ 1కు సంబంధించిన ఫైనల్‌ కీ నుంచి అన్ని సెషన్లకు కలిపి మొత్తంగా 12 ప్రశ్నల నుంచి డ్రాప్‌ అయినట్లు ఎన్‌టీఏ తెలిపింది. ఆయా ప్రశ్నలకు గాను విద్యార్థులకు ఒక్కో ప్రశ్నకు నాలుగు మార్కుల చొప్పున కలిపే అవకాశం ఉంది. అయితే, డ్రాప్‌ అయిన వాటిలో అత్యధిక ప్రశ్నలు ఫిజిక్స్‌ నుంచే ఉండటం గమనార్హం. జేఈఈ మెయిన్‌ ఫలితాలను ఫిబ్రవరి 12 నాటికి విడుదల చేసే అవకాశం ఉందని తొలుత ప్రకటించినప్పటికీ.. తుది కీని ఈరోజే విడుదల చేయడంతో అతి త్వరలోనే పర్సంటైల్‌ స్కోరును వెబ్‌సైట్‌లో అందుబాటులోకి తీసుకురానుంది.
డ్రాప్‌ అయిన ప్రశ్నల ఐడీలు ఇవే..
- ఫిజిక్స్‌: 656445270, 7364751025, 656445566, 6564451161, 656445870, 7364751250, 564451847, 6564451917
- కెమిస్ట్రీ: 656445728, 6564451784
- మ్యాథమెటిక్స్‌: 6564451142, 6564451898