CTET 2024 exam date revised | సీటెట్‌కు దరఖాస్తు చేశారా? పరీక్ష తేదీ మళ్లీ మార్పు
కేంద్రీయ ఉపాధ్యాయ అర్హత పరీక్ష (CTET December- 2024) తేదీని సీబీఎస్‌ఈ మరోసారి రీషెడ్యూల్‌ చేసింది.
Published :11 Oct 2024 16:59 IST
https://results.eenadu.net/news.aspx?newsid=111024
CTET 2024 exam date revised | దిల్లీ: దేశవ్యాప్తంగా సీబీఎస్‌ఈ(CBSE) నిర్వహించే కేంద్రీయ ఉపాధ్యాయ అర్హత పరీక్ష (CTET- December 2024)కు దరఖాస్తుల గడువు త్వరలోనే ముగియనుంది. సీటెట్‌ పరీక్షను తొలుత డిసెంబర్‌ 1న (ఆదివారం) నిర్వహించాలని నిర్ణయించగా.. ఆ తర్వాత పాలనా పరమైన ఇబ్బందుల నేపథ్యంలో డిసెంబర్‌ 15కు రీషెడ్యూల్‌ చేసిన విషయం తెలిసిందే. తాజాగా ఆ తేదీని కూడా సీబీఎస్‌ఈ అధికారులు మార్పు చేశారు. డిసెంబర్‌ 14న పరీక్ష నిర్వహించనున్నట్లు వెల్లడించారు. పలు రాష్ట్రాలు/కేంద్రపాలిత ప్రాంతాల్లో డిసెంబర్‌ 15న పోటీ పరీక్షలు ఉండటంతో అభ్యర్థుల ప్రయోజనాలను దృష్టిలో ఉంచుకొని మరోసారి రీషెడ్యూల్‌ చేసినట్లు వెల్లడించారు. దీంతో సీటెట్‌ పరీక్ష డిసెంబర్‌ 14న (శనివారం) జరుగుతుందని స్పష్టం చేశారు. దరఖాస్తు తేదీల్లో మాత్రం ఎలాంటి మార్పులేదు. ఆంగ్లం/హిందీ భాషల్లో జరిగే ఈ పరీక్షకు అక్టోబర్‌ 16 రాత్రి 11.59 గంటల వరకు అర్హులైన అభ్యర్థులు ఆన్‌లైన్‌లో దరఖాస్తు చేసుకోవచ్చని తెలిపింది.
దరఖాస్తు కోసం క్లిక్‌ చేయండి
నోటిఫికేషన్‌లో ముఖ్యమైన పాయింట్లు..
- సీటెట్‌ ఏటా రెండు సార్లు నిర్వహిస్తారు. సీటెట్‌ (డిసెంబర్‌)కు రిజిస్ట్రేషన్లు కొనసాగుతున్నాయి.
- దరఖాస్తు రుసుం: జనరల్‌/ఓబీసీ అభ్యర్థులు ఒక పేపర్‌కు రూ.1000; రెండు పేపర్లకు రూ.1200; ఎస్సీ/ఎస్టీ/దివ్యాంగులైతే ఒక పేపర్‌కు రూ.500, రెండు పేపర్లకు రూ.600ల చొప్పున చెల్లించాల్సి ఉంటుంది.
- ఈ పరీక్షలో సాధించిన స్కోరును కేంద్ర ప్రభుత్వ పరిధిలోని పాఠశాలల ఉపాధ్యాయ నియామకాల్లో పరిగణనలోకి తీసుకుంటారు.
- సీటెట్‌లో సాధించిన స్కోర్‌కు జీవిత కాల వ్యాలిడిటీ ఉంటుంది.
- మొత్తం రెండు పేపర్లు ఉంటాయి. పేపర్-1ను ఒకటి నుంచి ఐదు తరగతులకు బోధించాలనుకునేవారు; పేపర్-2ను ఆరు నుంచి తొమ్మిదో తరగతులకు బోధించాలనుకునే వారు రాయొచ్చు.
- పేపర్-2 పరీక్ష ఉదయం 9.30 గంటల నుంచి మధ్యాహ్నం 12గంటల వరకు ఉంటుంది. పేపర్ -1 మధ్యాహ్నం 2.30 గంటల నుంచి సాయంత్రం 5గంటల వరకు నిర్వహిస్తారు.
- దరఖాస్తుల్లో తప్పులను అక్టోబర్‌ 21 నుంచి 25వరకు సవరణ చేసుకోవచ్చు. హాల్‌టికెట్లను పరీక్షకు రెండు రోజుల ముందు విడుదల చేస్తారు. ఫలితాలు జనవరి నెలాఖరు నాటికి విడుదల చేసే అవకాశం ఉంది.
- తెలుగు రాష్ట్రాల్లో పరీక్ష కేంద్రాలివే.. గుంటూరు, తిరుపతి, విజయవాడ, విశాఖపట్నం, హైదరాబాద్, వరంగల్‌. పరీక్ష సిలబస్‌, ఇతర వివరాలతో కూడిన రివైజ్డ్‌ బుక్‌లెట్‌ కోసం క్లిక్‌ చేయండి.